சுவிஸ் வீரர் ஃபெர்ணாண்டஸ்

உலகக் கோப்பை ஸ்பெயின் தோல்வி



தென் ஆப்பிரிக்காவில் நடைபெற்று வரும் உலகக் கோப்பை கால்பந்து போட்டிகளில் ஸ்பெயின் அதிர்ச்சியளிக்கும் வகையில் தோல்வியடைந்துள்ளது.
சர்வதேச கால்பந்து சம்மேளனத்தின், உலக ஆடவர் தரப்பட்டியலின் இரண்டாம் இடத்தில் இருக்கும் ஸ்பெயின் நாட்டின் அணி, 24 ஆவது இடத்தில் இருக்கும் ஸ்விட்சர்லாந்து நாட்டு அணியால் தோற்கடிக்கப்பட்டது.

இந்த உலகக் கோப்பையை வெல்லக் கூடிய வாய்ப்பு ஸ்பெயின் அல்லது பிரேசிலுக்கு அதிகம் உள்ளது என்று பிரபல வீரர் பெலே கருத்து வெளியிட்டிருந்தது குறிப்பிடத்தக்கது.

குரூப் எச் பிரிவில் இடம்பெற்ற இந்தப் போட்டியின் 52 ஆவது நிமிடத்தில் ஸ்விஸ் வீரர் ஃபெர்ணாண்டஸ் இந்த கோலை அடித்தார்.

இதே பிரிவில் மற்றொரு போட்டியும் இடம் பெற்றது. இதில் சிலி நாட்டு அணி ஹோண்டுரஸ் நாட்டு அணியை 1-0 என்கிற கணக்கில் வென்றது.

சிலி அணியின் பெய்ஸெயார் ஆட்டத்தின் 34 ஆவது நிமிடத்தில் தனது அணிக்காக இந்த கோலை அடித்தார்.